ابني معاق
اماني للسيد
في صالة الوصول، كنت واقفة وسط الزحمة، عيني معلقة على الباب اللي بيخرج منه المسافرين. قلبي كان بيدق بسرعة رهيبة، لحد ما شفت حسام طالع، ومسك في إيده.. ياسين!
أول ما ياسين شافني، ساب إيد أبوه وجري عليا.. جري خفيف وسريع وثابت! مسكت فيه وضميته لصدري وأنا بصرخ من الفرحة، وببوّس كل شبر في وشه. ياسين مسح دموعي بإيديه الاثنين وقال بصوت واضح ونقي جداً:
— بلاش تعيطي يا ماما، أنا بقيت قوي خلاص، ومفيش حاجة توجعني تاني.
حسام حضننا إحنا الاثنين وهو بيبكي ويقول:
— ربنا كبير يا هدى، ربنا جبر بخاطرنا وما كسرتناش أبداً. الدكتور هانز عمل معجزة، Process طويلة وتدريب شاق، بس ياسين كان بطل وكان عاوز يرجعلك وهو سليماً معافى.
رجعنا العمارة، وأنا حاسة إن الأرض مش شايلاني من الفرحة. أول ما دخلنا المدخل، لقينا العمارة كلها طالعة تستقبلنا، الجيران والأقارب اللي عرفوا بالخبر نازلين يباركوا ويسلموا على ياسين. الناس كانت مبهورة وشايفة الولد اللي كانوا بيقولوا عليه «مفيش منه أمل» واقف بثبات، بيتكلم بلباقة، وبيسلم على الكبير والصغير بأدب وذكاء شديد.
في اللحظة دي، فتحت نادية باب ا ببطء، وطلت برأسها وهي باصة لياسين بذهول وغل مكتوم. حسام بصلها بثبات، وياسين أخد باله منها، وبص لها بابتسامة بريئة وقال بصوت عالي أمام الجيران كلهم:
— أزيك يا طنط نادية؟ البنات عاملين إيه؟ أنا رجعت خفيت خالص الحمد لله، والدكتور في ألمانيا قال إن الذكاء عندي ممتاز وجسمي بقى قوي جداً!
نادية أتنحست وما عرفتش تنطق بكلمة واحدة، وشها جاب ألوان، والكل كان بيبص لها وهو عارف الكلام والمعايرة اللي كانت بتقولها عليا وعلى ابني. ردت بصوت مخنوق ومتردد:
— حمـ… الحمد لله على سلامتك يا ياسين.. عقبال ما نشوفك عريس.
وقفلت الباب بسرعة واستخبت جوة شقتها.
مرت الأيام، وياسين بقى نوارة البيت والعمارة كلها. الدكتور هانز مكنش بس عالجه، ده كتب له على برنامج تعليمي ورياضي متطور جداً عشان ينمي مهاراته العقلية والبدنية. حسام قدم له في مدرّسة خاصة متميزة، وفي خلال شهور قليلة، ياسين أثبت تفوق غير عادي في الرياضيات واللغات، وكأن السنين اللي فاتت اللي كان محبوس فيها جوة مرضه كانت ب داطة وذكاء.
في المقابل، كانت ة نادية بيمر عليها أيام سودة. الغيرة والحسد أكلوا قلبها. نادية كانت دايماً بتتباهى إن عندها ثلاث بنات «زي العسل» وإنهم كاملين مفيش فيهم عيب، وكانت دايماً تبص لي بعين النقص. بس دوام الحال من المحال.
