ابني معاق

مقالات ذات صلة

سلفتى حكايات رومانى مكرم 3
منذ 9 ساعات

سلفتى حكايات رومانى مكرم 1
منذ 9 ساعات

حكايات رشا خالد 2
منذ يوم واحد

حكايات رشا خالد1
منذ يوم واحد
الخبر انتشر في العمارة والشارع زي النار في الهشيم. الجيران كلهم طلعوا يهنوا ويباركوا، وصوت الزغاريد ملأ المكان. الكل كان مش مصدق إن «ياسين» ابن حسام، المسالم الهادي اللي مر بظروف صعبة، بقى عالم ومهندس كبير مطلوب بالإسم في أكبر مراكز الأبحاث في ألمانيا.

في اللحظة دي، طلعت نادية وبناتها من . ملامح نادية مكنتش زي زمان؛ الغل والتكبر اختفوا تماماً وحل مكانهم الخجل والندم الشديد. قربت مننا وهي ماسكة إيد سعيد جوزها اللي كان لسه بيتعافى ببطء من عمليته. سعيد سلم على ياسين بحرارة وباس رأسه وقال بدموع:

— رفع راسنا كلنا يا ابني.. ربنا يزيدك من نعيمه ويحميك من كل شر. انت تستاهل كل خير الدنيا لأن قلبك أبيض وما بتعرفش القسوة.

نادية وقفت قدامي بصت في عيني، ولأول مرة مكنتش قادرة تتكلم أو ترفع حاجبها زي زمان. رفعت إيدها المرتعشة ومسكت إيدي وقالت بصوت مكسور:

— مبروك يا هدى.. مبروك يا أختي. ربنا يجبر خاطرك زي ما صبرتي. أنا زمان كنت جاهلة وعمياء، كنت فاكرة إن البنات هما اللي هيسنوا ضهري وإن ابنك عالة، بس ربنا وراني إن العافية والتوفيق مش بإيد البشر.. ابنك هو اللي أنقذ جوزي من الموت، وهو اللي بيعلمنا كلنا يعني إيه رحمة. سامحيني يا هدى على كل كلمة مسمومة خرجت من بؤي، سامحيني على كوباية الشاي وعلى كل لحظة وجعت فيها قلبك.

بصلتها بهدوء وقلت لها:

— المسامح ربنا يا نادية.. أنا نسيت كل حاجة من اليوم اللي شفت فيه ابني واقف على رجليه. بس اتعلمي إن كل كلمة بنقولها بتتسجل عند ربنا، والقلوب مش لعبة نكسرها وقت ما نحب.

نادية نزلت رأسها في الأرض وبكت بحرقة، وقربت من ياسين وقالت له:

— ادعي لبناتي يا ياسين.. ادعي لهم ربنا يهديهم ويصلح حالهم، أنا ضيعتهم بقسوتي وجشعي.

ياسين بصلها بابتسامة ناصية البياض وقالها:

— يا طنط نادية، البنات دول إخواتي، وأنا مش هسافر وأسيبهم كده. شهيرة لازم تدخل كورس تحسيني في اللغات والتكنولوجيا وأنا هتكفل بتدريبها بنفسي عشان تلاقي شغل محترم وتستعيد ثقتها في نفسها، وجنى أنا اتكلمت مع دكتور استشاري تخاطب صديقي في القاهرة، وهيتابع حالتها من الأسبوع الجاي وعلى حسابي الكامل لحد ما ترجع تتكلم أحسن من الأول.